אור בקצה המנהרה • לאחר מאמצים כבירים של 'איחוד ברסלב': מעוכבי אוקראינה משוחררים!

View Comments

• לרוץ לשדה התעופה!

• דיברתי עם מישהו שמעוכב בקייב הוא מספר שישחררו את כולם והם כבר במזוודות ב"ה

• הלוואי עלי אני מוכן להתעכב כמה ימים אם בסוף אגיע לאומן המילים היחידים שאני יכול להגיד על מה שאני מרגיש זה- "לבי יחיל בקרבי ואימות מות נפלו עלי: יראה ורעד יבא בי ותכסני פלצות: ואמר מי יתן לי אבר כיונה אעופה ואשכנה:"(תהילים נ"ה)

• תודה להשם ולשליחים הטובים שלו איחוד ברסלב אין מילים.

• טעגליכער דער איד ו' תצא ח' אלול תש"פ - DER YID DAILY 8/28/2020

  אוקריינע ארעסטירט ברעסלאווער אידן אויף גוטהייסונג פון מדינת ישראל

  קיעוו – "גירוש אומאן תש"פ" האבן עס די באטראפענע און געליטענע אידן באצייכנט. א טרויעריגע און הימל שרייענדיגע געשיכטע האט זיך אפּגעשפּילט נעכטן, ווען די אויטאריטעטן אין אוקריינע האבן גענומען צענדליגער אידן און זיי ארעסטירט, אלעס אויף דער גוטהייסונג פון די ציוניסישע מדינת ישראל.

  די זאך האט זיך אנגעהויבן ווען אוקריינע האט געמאלדן מיטוואך אז פון ענדע היינטיגע וואך גייען זיי אפּשפּארן אירע גרעניצן פאר אויסלענדישע, נאכ'ן קומען אונטער דרוק שוין לאנגע וואכן פון דער ציוניסטישער מדינה צו בלאקירן אידן פון קענען פארן קיין אומאן אויף ראש השנה תשפ"א – מיט'ן נוצן אלס אויסרייד די קאראנאווירוס מגיפה.

  צענדליגער אידן האבן דעריבער אריינגעכאפּט די געלעגנהייט און זיך ארויסגעלאזט אויף פליגערס קיין אוקריינע, טראץ וואס ס'האט אפּגעקאסט גאר טייער די לעצט-מינוטיגע טיקעטס. אסאך זענען אנגעקומען קיין קיעוו, אנדערע קיין אדעסא און אנדערע קיין זאפּאראזשיע.

  אנשטאט וואס מען זאל זיי אריינלאזן קיין אוקריינע נאכ'ן לאנדן, האט מען די אלע אידן אין די לופטפעלדער גענומען און אריינגעשליידערט אין ספּעציעלע ארעסט-צענטערן אונטער שלאס, ריגל און שטעכל-דראטן צוימען, און מ'האט זיי געזאגט אז מ'גייט זיי צוריק דעפּארטירן קיין ארץ ישראל.

  די נייעס איבער די איינגעשפּארטע אידן האט זיך בליץ שנעל פארשפּרייט איבער דער וועלט, און מ'האט אנגעהויבן תפילות ובקשות, און אויך שתדלנות. עס האט געכאפּט א פּחד אז די אוקריינער האבן געהאלטן די אידן אונטער ארעסט, אריינגערעכנט קליינע קינדער, אן קיין עסן אדער א לעק וואסער.

  אין די זעלבע צייט האבן זיך אפּגעשפּילט מהומות אין לופטפעלד אין תל אביב, וואו הונדערטער ברעסלאווער אידן האבן געוואלט אויסנוצן די לעצטע מינוט ארויסצופארן קיין אומאן, אבער אלע לופטליניעס האבן געקענסלט די פליגערס, איבערלאזנדיג די אידן געשטראנדעט אין ארץ ישראל.

  נאך לאנגע שטונדן אונטער ארעסט אין אוקריינע, האבן חב"ד שלוחים באוויזן צו ברענגען עסן צו די איינגעשפּארטע אידן, און זיי זענען עווענטועל באפרייט געווארן. די אוקריינישע רעגירונג האט געזאגט אז זיי וועלן נישט דעפּארטירט ווערן, נאר וועלן ערלויבט ווערן צו פארן קיין אומאן.

  אבער די אוקריינישע רעגירונג האט קלאר געזאגט אז אנגעהויבן פון היינט האלבער-נאכט וועלן אויסלענדישע מענטשן מער נישט אריינגעלאזט ווערן פאר די קומענדיגע פיר וואכן. דאס באדייט אז טויזנטער וואס לעכצן צו זיין אין אומאן אויף ראש השנה תשפ"א, וועלן דאס לויט דעם נישט קענען באווייזן.

  עס איז נעכטן צעשפרייט געווארן א היסטארישער הארצרייסנדער בריוו וואס הגה"צ רבי יעקב מאיר שעכטער שליט"א האט געשריבן צום אוקריינישן פרעזידענט, וולאדימיר זאלענסקי, אין וועלכן ער איז אים מסביר ווי ברסלב'ער חסידים פארן שוין העכער 200 יאר צום ציון פון הרה"ק רבי נחמן זי"ע קיין אומאן, מ'האט זיך אין די שווערסטע צייטן מוסר נפש געווען דערפאר, און אויסגעגעבן דערויף די וועלט'ס-געלט, דעריבער בעט מען אים בתחנונים, אין דער לעצטער רגע, אז אויך היי יאר זאל מען נישט פארשליסן די גרעניצן, און ער זאל חלילה נישט שאפן אזא געוואלדיגן צער פאר אזויפיל טויזנטער אידן.

  איבריג צו זאגן ווי גרויס ס'איז דער צער פאר רבבות אידן איבער דער וועלט, און דער פינגער ווערט אומצוויידייטיג געטייטלט אויפ'ן ראש ממשלת הכופרים ביבי נתניהו שר"י וואס האט געלייגט דרוק מיט א שרעקליכן רשעות אויפ'ן אוקריינישן פּרעזידענט איינצושטעלן די פארשפארונג, ווי אוקריינע'ס פּרעזידענט האט דאס אליינס מודה געווען.

  דער צער און ווייטאג האט געפירט דערצו אז נעכטן אין די פארנאכטס שטונדן האבן זיך אראנזשירט פּראטעסטן און מחאות פארנט פון די היימען פון מיטגלידער פון דער ציוניסטישער רעגירונג, און באזונדער די א.ג. פרומע וועלכע האבן דאס צוגעלאזט און מיטגעשטימט דערפאר.