בית המדרש "מעיינות הנחל" פון אנשי שלומינו חסידי ברסלב איז נתייסד געווארען פארגאנגענע יאר חודש אדר, דורך טייערע יונגעלייט בארימטע שתדלנים פון אנ"ש פאר די כלל יוגעלייט פון אנשי שלומינו חסידי ברסלב הדרים בקריית יואל – מאנרא ארה"ב ההולכין בדרך המסורה.
בעזהשי"ת דאווענען כהיום אין ביהמ"ד "מעיינות הנחל" ארום פינעף מניינים יונגעלייט מסלתה ומשמנה פון אנ"ש חסידי ברסלב המקורבים לאור הצדיק רביה"ק רבי נחמן מברסלב זיע"א.
מיטן התייסדות פון דעם אילגן ברסלבער בית מדרש "מעיינות הנחל" איז דעם רבי'נס זאך אויפגעשיינט און זיך צופלאקערט, אין שטעטל לאין ערוך אין אלעם בחינות ממש: אהבת חברים, תפילה בכוח, מנין ותיקין, נסיעות להתבודדות, שיעורים בספרי רבינו, שיעורי תורה, שיעורים מחשובי אנ"ש, כינוסים ומעמדים, יום כיפור קטן, אבות ובנים, כינוסים פאר נשות אנ"ש, שיחת חברים, צענטער פון מכירת ספרי רביה"ק ותלמידיו, און נאך.
"דאס הארץ ביינקט צום קוואל"
"דאס הארץ ביינקט צום קוואל" און דער "קוואל" דארף די "הארץ", דער בניין הקדושא "מעיינות הנחל" דארף דיר האבן! עס איז באקאנט דאס וואס די חכמים זאגן (אבות ג, יז): "אם אין קמח אין תורה" אויב עס איז נישטא קיין "קמח", דאס מיינט "ממון", "רצון", און "טירחה", איז חלילה נחלש די "תורה"!! לאמיר עס מחזק זיין בכל לב ונפש.
מוצאי שבת קודש ויצא י"ב כסלו, וועט פארקומען בעזהשי"ת א מעמד מפואר "חנוכת הבית" מיט הביסוס להיכלו הקדוש פון דעם אייליגן רעבן זיע"א.
משא המרכזי וועטמען ערן פון נועם הכבוד הגה"ח רבי אליעזר חשין שליט"א פון חשובי משפיעי אנ"ש אין ארץ הקודש.
אזוי אויך וועט דער חושב'ער אורח הכבוד פראווענען דעם שבת אין ביהמ"ד להבעיר את ליבות אנ"ש באשו הגדולה פון דעם היילגן רעבן..
